CIDA

Switch to desktop Register Login

sajaro9-10 ივნისს, თბილისში, „საჯარო სამსახურის შესახებ“ საქართველოს კანონის თაობაზე ტრენერთა ტრენინგი ჩატარდა.

დამსწრე საზოგადოებას სიტყვით მიმართეს არასამთავრობო ორგანიზაცია „სიდას“ აღმასრულებელმა დირექტორმა ზვიად დევდარიანმა, ასევე, UNDP-ის, საქართველოს მთავრობის ადმინისტრაციის და საჯარო სამსახურის ბიუროს წარმომადგენლებმა.

საჯარო სამსახურის ბიუროს წარმომადგენელმა, გვანცა ბესელიამ, ტრენინგის მონაწილეებს საჯარო სამსახურის არსი, ცნებები და პრინციპები გააცნო. ტრენინგის მეორე დღე კი დაეთმო ისეთ საკითხებს, როგორიცაა: საჯარო სამსახურში მიღება; კარიერის მართვა; მოხელის უფლებები და მოვალეობები; მოხელის სამსახურიდან გათავისუფლება.

ტრენინგის მიზანს ასევე წარმოდგენდა მონაწილეებისთვის ტრეინინგის უკუგების ფორმისა და მონიტორინგის ჩარჩოს გაცნობა. ტრენინგის შემდგომ გაიმართა დისკუსია.

2015 წლის 27 ოქტომბერს მიღებულ იქნა „საჯარო სამსახურის შესახებ“ საქართველოს კანონი, რომელიც ძალაშია 2017 წლის 1 ივლისიდან. „საჯარო სამსახურის შესახებ“ კანონი ქმნის, კარიერულ წინსვლასა და დამსახურებაზე დაფუძნებულ, პროფესიულ საჯარო სამსახურს.

ტრენინგი მომზადდა გაეროს განვითარების პროგრამის მხარდაჭერით, დიდი ბრიტანეთისა და ჩრდილოეთ ირლანდიის გაერთიანებული სამეფოს მთავრობის UK aid-ის ფინანსური დახმარებით არასამთავრობო ორგანიზაცია “სიდას” მიერ, პროექტის “საქართველოში საჯარო სამსახურის რეფორმის მხარდაჭერა სამოქალაქო საზოგადოების მიერ” ფარგლებში. პროექტი ხორციელდება საქართველოს მთავრობის ადმინისტრაციასთან და საჯარო სამსახურის ბიუროსთან თანამშრომლობით.

პროექტი თანადაფინანსებულია ევროკავშირის მიერ არასამთავრობო ორგანიზაცია “სიდას” ორგანიზაციული განვითარების პროექტის ფარგლებში.

კვირა, 11 ივნისი 2017 00:00
დაწვრილებით...


17474134 10212189242707504 325004574 o22 მარტს, საგარეჯოს დემოკრატიული ჩართულობის ცენტრში, გაიმართა საინფორმაციო შეხვედრა ადამიანის უფლებათა დაცვის საკითხებზე. შეხვედრას უძღვებოდნენ ადამიანის უფლებათა დაცვის სამდივნოს მრჩეველი მარიამ ჯაჯანიძე, პერსონალურ მონაცემთა დაცვის ინსპექტორის აპარატის საერთაშორისო ურთიერთობების დეპარტამენტის ხელმძღვანელი ნინო სარიშვილი და არასამთავრობო ორგანიზაცია ,,სიდას" კორპორაციული სოციალური პასუხისმგებლობის მენეჯერი სალომე ზურაბიშვილი.

სპიკერებმა ისაუბრეს და უპასუხეს დამსწრეთა შეკითხვებს ადამიანის უფლებათა დაცვის ეროვნული სტრატეგიის იმ საკითხებზე, რომლებიც განსაკუთრებული ინტერესის საგანია ადგილობრივი მოსახლეობისთვის. ესენია: პირადი ცხოვრების ხელშეუხებლობა, გენდერული თანასწორობა, ასევე ბიზნესი და ადამიანის უფლებები.

შეხვედრა შედგა პროექტის „ადამიანის უფლებების საკითხებზე ინფორმაციის გაცვლის პროცესის გაუმჯობესება ცენტრსა და რეგიონებს შორის“ ფარგლებში, რომელიც ხორციელდება დემოკრატიული ჩართულობის ცენტრების მიერ აღმოსავლეთ-დასავლეთის მართვის ინსტიტუტის (EWMI) პროექტის „კანონის უზენაესობის მხარდაჭერა საქართველოში“ (PROLoG) ფინანსური მხარდაჭერით და ადამიანის უფლებათა დაცვის სამდივნოსთან თანამშრომლობით.

ოთხშაბათი, 22 მარტი 2017 00:00
დაწვრილებით...

16684318 1356734461049572 4784881478955177130 n8-10 თებერვალს, სამოქალაქო საზოგადოების რეგიონული ქსელის (R-CSN) სამუშაო ჯგუფების შეხვედრა გაიმართა. შეხვედრის ფარგლებში, ქსელის წევრი არასამთავრობო ორგანიზაციების წარმომადგენლებმა განიხილეს მიმდინარე სიტუაცია, ამასთან, გაიმართა დისკუსია რეგიონებში არსებულ ვითარებასა და გამოწვევების შესახებ.

შეხვედრის ფარგლებში გაიმართა სამოქალაქო საზოგადოების რეგიონული ქსელის თემატური სამუშაო ჯგუფების 2017 წლის სამოქმედო გეგმის ფორმირება, მიმდინარე სიტუაციის ანალიზი, ჯგუფების ხელმძღვანელების არჩევა და ჩატარებული კვლევების შედეგების განხილვა. ჯგუფებმა საპროექტო იდეებზეც იმსჯელეს, რომლებსაც ახლო მომავალში დონორ ორგანიზაციებს წარუდგენენ.

ამჟამად ქსელში სხვადასხვა პროფილის 64 რეგიონული ორგანიზაციაა გაწევრიანებული, ქსელში ფუნქციონირებს ექვსი სამუშაო ჯგუფი:
-საქართველოს ევრო-ატლანტიკური ინტეგრაციის მხარდაჭერა
-ქალთა გაძლიერების მხარდაჭერა
-გარემოს დაცვა
-კორპორატიული სოციალური პასუხისმგებლობის განვითარების მხარდაჭერა
-კონფლიქტების გადაწყვეტის/მშვიდობის მშნებელობის მხარდაჭერა
-ქსელის სამეთვალყურეო ჯგუფი

შეხვედრა გაიმართა ,,სიდას" ორგანიზებით აღმოსავლეთ-დასავლეთის მართვის ინსტიტუტის EWMI Access-ის პროექტისა და ევროკავშირის მხარდაჭერით.

პარასკევი, 10 თებერვალი 2017 00:00
დაწვრილებით...

120-21 ნოემბერს, ,,სიდას" აღმასრულებელი დირექტორი ზვიად დევდარიანი იმყოფებოდა ბელორუსში ადგილობრივი ორგანიზაციის SYMPA მიწვევით. მიწვევის მიზანი იყო ადვოკატირების სფეროში საქართველოს გამოცდილების გაზიარება ბელორუსში დაინტერესებული ჯგუფებისთვის.

მინსკსა და ვიტებსკში ჩატარდა ორი შეხვედრა, რომელსაც ესწრებოდნენ ადგილობრივი სამოქალაქო ორგანიზაციები, სამოქალაქო ლიდერები, ადგილობრივი ხელისუფლების წარმომადგენლები, ჟურნალისტები და სხვა დაინტერესებული პირები.

ზვიად დევდარიანმა მონაწილეებს გააცნო ადვოკატირების თეორია და სამი სხვადასხვა კამპანიის შესახებ პრაქტიკული ინფორმაცია: ადგილობრივი თვითმმართველობის რეფორმა, კამპანია "ეს შენ გეხება" და ქალთა მოძრაობა.

პირველი კონტაქტი ბელარუსში მოქმედ არასამთავრობო ორგანიზაცია SYMPA-სა და საქართველოში მოქმედ არასამთავრობო ორგანიზაცია ,,სიდას" შორის შედგა საქართველოში ორგანიზებული სასწავლო ტურის ფარგლებში, როდესაც ,,სიდას" დირექტორმა ბელორუსიიდან ჩასულ სტუმრებს გაუზიარა გამოცდილება თვითმმართველობის და ადგილობრივი განვითარების სფეროში. 2

ორშაბათი, 28 ნოემბერი 2016 06:53
დაწვრილებით...