CIDA

Switch to desktop Register Login

DSC 000118 ივლისს, ამერიკის სავაჭრო პალატის( AmCham) ოფისში, გლობალური შეთანხმების საქართველოს ქსელის გამგეობის მეექვსე სხდომა გაიმართა.

გლობალური შეთანხმების საქართველოს ქსელის საკონტაქტო პირმა, მიმოიხილა გლობალური შეთანხმების ქსელის განვითარებასთან დაკავშირებული, საერთაშორისო დონეზე მიმდინარე პროცესები. გამგეობამ მიმოიხილა 2017 წლის, სამოქმედო გეგმა. წლის პირველი ნახევრისთვის დაგეგმილი აქტივობების უმრავლესობა უკვე განხორციელებულია, რამდენიმე კი იმპლემენტაციის პროცესშია. გამგეობის წევრებმა ისაუბრეს წლის მეორე ნახევარში განსახორციელებელ აქტივობებზე. კერძოდ, განიხილეს კორპორაციული სოციალური პასუხისმგებლობის კვირეული (CSR კლუბის მიერ ორგანიზებული ღონისძიება, რომელიც ქსელთან თანამშრომლობით გაიმართება) და დეკემბერში დაგეგმილი ბიზნესისა და ადამიანის უფლებების კვირეული, რომლიც ფარგლებშიც ჩატარდება საერთაშორისო კონფერენცია და სხვა ღონისძიებები, როგორიცაა საერთაშორისო ექსპერტების მასტერკლასები.

გამგეობის წევრებმა და სამდივნოს წარმომადგენლებმა ასევე იმსჯელეს ქსელის გაფართოების საკითხზე და შეთანხმდნენ ზომებზე, რომელიც უნდა მიიღონ ბიზნესისათვის ხელშესახები სარგებლის შესათავაზებლად და ახალი წევრების მოსაზიდად.

სამოქალაქო განვითარების სააგენტოს (სიდა) აქტივობები, კორპორაციული პასუხისმგებლობის წახალისების მიმართულებით, მხარდაჭერილია, აღმოსავლეთ დასავლეთის მართვის ინსტიტუტის (EWMI), ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული, ACCESS-ის პროექტის ფარგლებში.

სამშაბათი, 18 ივლისი 2017 00:00
კატეგორია: სხვა
დაწვრილებით...

20107721 1593525437347086 18791412 o12 ივლისს, გაიმართა კორპორაციული სოციალური პასუხისმგებლობის კლუბის გამგეობის მესამე სხდომა. შეხვედრას, გამგეობის ერთ-ერთმა წევრმა, კომპანიამ - „ნატახტარი“- უმასპინძლა.
გამგეობის წევრებმა, შეაჯამეს კლუბის მიერ განხორციელებული საქმიანობა და დაგეგმეს წლის ბოლომდე განსახორციელებელი აქტივობები, მათ შორის, კორპორაციული სოციალური პასუხისმგებლობის კვირეული, კორპორაციული პასუხისმგებლობის პრაქტიკის კვლევის დასრულება და ანგარიშის მომზადება, კორპორაციული პასუხისმგებლობის ჯილდოს წარდგენა, კლუბის ცნობადობის გაზრდისკენ მიმართული ღონისძიებები, ბიზნესსა და არასამთავრობო ორგანიზაციებს შორის თანამშრომლობის გაღრმავება.

გამგეობის წევრებმა იმსჯელეს სექტემბერში დაგეგმილი კორპორაციული პასუხისმგებლობის კვირეულის ფორმატის შესახებ. კვირეულის ფარგლებში გაიმართება ღონისძიებათა სერია - თემატური შეხვედრები, დისკუსიები და საჯარო ლექციები, კორპორაციული სოციალური პასუხისმგებლობის სხვადასხვა მიმართულების შესახებ, ასევე, კლუბის საერთო კრება.

20050033 1593525407347089 1205495980 oგამგეობამ მოიწონა, სამდივნოს მიერ წარდგენილი კორპორაციული სოციალური პასუხისმგებლობის ჯილდოს კონცეფცია. დაჯილდოება, ხელს შეუწყობს საქართველოში, კორპორაციული სოციალური პასუხისმგებლობის პოპულარიზაციას. წევრებმა, აღნიშნული კონcეფციის განსახორციელებლად საჭირო საორგანიზაციო საკითხებიც განიხილეს.

სამოქალაქო განვითარების სააგენტოს (სიდა) აქტივობები, კორპორაციული პასუხისმგებლობის წახალისების მიმართულებით, მხარდაჭერილია, აღმოსავლეთ დასავლეთის მართვის ინსტიტუტის (EWMI), ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული, ACCESS-ის პროექტის ფარგლებში.

ხუთშაბათი, 13 ივლისი 2017 13:13
კატეგორია: სხვა
დაწვრილებით...

samdivno,,სიდას“ რეკომენდაციით, საქართველოს მთავრობამ 2016-2017 წლების ადამიანის უფლებათა დაცვის ეროვნულ სამოქმედო გეგმას დაამატა ბიზნესისა და ადამიანის უფლებების თავი.

საერთაშორისო ექსპერტმა, მეგი ნიკოლსონმა, ადამიანის უფლებებათა დაცვის 2014-2020 წლების ეროვნული სტრატეგიის შეფასების ანგარიშში დადებითად შეაფასა ბიზნესისა და ადამიანს უფლებების შესახებ ცალკე თავის არსებობა ადამიანის უფლებებათა დაცვის 2016-2017 წლების ეროვნულ სამოქმედო გეგმაში, და აქვე აღნიშნა, რომ ეს მიმართულება სამოქმედო გეგმის სხვა თავებშიც უნდა იყოს ასახული. მისი თქმით, საკანონმდებლო და პოლიტიკური გადაწყვეტილებების მიღებისას, უყურადღებოდ არ უნდა დარჩეს კერძო სექტორი, განსაკუთრებით, დისკრიმინაციის ყველა ფორმის აღმოფხვრის შესახებ საქართველოს კანონის აღსრულებისას.

ადამიანის უფლებებათა დაცვის 2016-2017 წლების ეროვნული სამოქმედო გეგმის ბიზნესისა და ადამიანის უფლებების თავი მოიცავს ისეთ აქტივობებს, როგორიცაა:
• კორპორაციული სოციალური პასუხისმგებლობის შესახებ, ბიზნესი და ადამიანის უფლებების თემაზე ცნობიერების ამაღლება - კორპორაციული სოციალური პასუხისმგებლობის მიმართულებით არსებული საერთაშორისო სტანდარტების ქართულ ენაზე თარგმნა, მრგვალი მაგიდის / კონსულტაციების გამართვა ბიზნესთან და არასამთავრობო ორგანიზაციებთან ბიზნესი და ადამიანის უფლებების თემაზე, საერთაშორისო კონფერენციის ორგანიზება კორპორაციული სოციალური პასუხისმგებლობის საკითხზე;
• ეროვნული საბაზისო კვლევის ჩატარება ბიზნესი და ადამიანის უფლებების მიმართულებით;
• ბიზნესი და ადამიანის უფლებების შესახებ ყოვლისმომცველი სამოქმედო გეგმის შემუშავება.

ორშაბათი, 24 აპრილი 2017 11:09
კატეგორია: სხვა
დაწვრილებით...

f1afcb55a20c4001cadeb688194d4b11 31 მარტს, გაიმარა „კორპორაციული სოციალური პასუხისმგებლობის (CSR) კლუბის“ საერთო კრება, რომელსაც კლუბის 60-მდე წევრი ორგანიზაციის წარმომადგენელი დაესწრო. საერთო კრება საანგარიშო ხასიათს ატარებდა, რომლის დროსაც კლუბის რამდენიმე წევრმა საკუთარი ორგანიზაციის კორპორაციული სოციალური პასუხისმგებლობის წლიური ანგარიში წარადგინეს.

საერთო კრებაზე, ასევე, განიხილეს საქართველოში დღესდღეობით არსებული ვითარება კორპორაციული პასუხისმგებლობის მიმართულებით, გამოწვევები და პრობლემები, რაც CSR-ის განვითარებას უშლის ხელს. ამასთან, კლუბის წევრებმა მიმოიხილეს 2017 წელს დაგეგმილი აქტივობები, ისაუბრეს საქართველოში კორპორაციული პასუხისმგებლობის განვითარების მნიშვნელობაზე, როგორც საზოგადოების გაძლიერების, ასევე ბიზნესის განვითარების კუთხით.

კორპორაციული სოციალური პასუხისმგებლობის (CSR) კლუბის აქტივობები მხარდაჭერილია აღმოსავლეთ-დასავლეთის მართვის ინსტიტუტის (EWMI), ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული, ACCESS-ის პროექტის ფარგლებში.

კლუბი მადლობას უხდის ,,აჭარა ჯგუფს" შეხვედრის სივრცით უზრუნველყოფისათვის.

პარასკევი, 31 მარტი 2017 00:00
კატეგორია: სხვა
დაწვრილებით...