CIDA

Switch to desktop Register Login

წეპს1 დეკემბერს, სასტუმრო ,,თბილისი მარიოტში“ გაიმართა კონფერენცია ,,ქალთა გაძლიერების პრინციპების იმპლემენტაცია საქართველოში. კონფერენცია ორგანიზებული იყო გაეროს ქალთა ორგანიზაციისა (UN Women) და არასამთავრობო ორგანიზაცია ,,სიდას“ მიერ, რომელიც გაეროს გლობალური შეთანხმების საქართველოს ქსელის სამდივნოს წარმოადგენს.

კონფერენცია მიეძღვნა საქართველოს ბიზნეს სექტორში გენდერული თანასწორობისა და ქალთა გაძლიერების ინიციატივების განხორციელებას და მას ბიზნეს სექტორის, მთავრობის, არასამთავრობო და საერთაშორისო ორგანიზაციების წარმომადგენლები დაესწრნენ.

კონფერენციაზე, შვიდმა ბიზნეს კომპანიამ რომელმაც გასულ წელს ხელი მოაწერა ქალთა გაძლიერების პრინციპებს (WEPs) წარადგინა ერთი წლის განმავლობაში განხორციელებული აქტივობების ანგარიში. აღსანიშნავია, რომ ქალთა გაძლიერების პრინციპების მხარდამჭერ განცხადებას წელს კიდევ შვიდი კომპანია შეუერთდა, რომლებიც მომავალი წლიდან აქტიურად წაახალისებენ გენდერულ თანასწორობას და არადისკრიმინაციულ მიდგომას დასაქმების ადგილას.

,,საქართველო დინამიური ქვეყანაა. ბოლო წელს გენდერული თანასწორობის თვალსაზრისით მნიშვნელოვანი პროგრესი დავინახეთ, თუმცა ამ მიმართულებით განვითარება წარმოუდგენელია ბიზნესში ქალთა ჩართულობის გარეშე. ვფიქრობთ, რომ დღევანდელი ღონისძიება გახდება შთაგონება სხვა კერძო კომპანიებისთვისაც, რომ შეუერთდნენ ჩვენს ინიციატივას.“- განაცხადა საქართველოში გაეროს ქალთა ორგანიზაციის წარმომადგენელმა ერიკა კვაპილოვამ.

პრინციპებზე ხელმომწერი კომპანიების სია ასე გამოიყურება: აჭარა ჯგუფი, ჯეოსელი, ქართულ-ამერიკული უნივერსიტეტი, ჯეპრა, მისო ,,კრისტალი“, m2, PMO Business Consulting, დიო, მთარგმნელობითი აპარატურა პლუსი, Accor Group, ბიაიჯი. ორიენტ ლოჯიქი, Impact Hub და Profit Lab)

,,ერთი წლის თავზე, კომპანიების მიერ განხორციელებულ აქტივობებს მნიშვნელოვანი შედეგი მოჰყვა, თუმცა ამ მიმართულებით გაცილებით მეტია სამუშაო. ,,სიდა“ მომავალშიც აქტიურად გააგრძელებს სხვა კომპანიებთან თანამშრომლობას, რათა გაზარდოს მათი ინტერესი ქალთა გაძლიერების მიმართულებით.“ ამბობს ,,სიდას“ კორპორაციული სოციალური პასუხისმგებლობის მენეჯერი სალომე ზურაბიშვილი.

სიდას აქტივობები, კორპორაციული პასუხისმგებლობის წახალისების მიმართულებით, მხარდაჭერილია ევროკავშირისა და აღმოსავლეთ დასავლეთის მართვის ინსტიტუტის (EWMI) მიერ, ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული, ACCESS-ის პროექტის ფარგლებში.

პარასკევი, 01 დეკემბერი 2017 00:00
კატეგორია: სხვა
დაწვრილებით...

ესსეარასამთავრობო ორგანიზაცია “სიდა”, სამოქალაქო საზოგადოების რეგიონული ქსელი (R-CSN) და გაეროს ასოციაცია აცხადებენ ესსეების კონკურსს “მე - ახალგაზრდა საჯარო მოხელე“.

კონკურსის მიზანია ახალგაზრდებში საჯარო სამსახურის რეფორმის პოპულარიზაცია და ცნობიერების ამაღლება.

კონკურსი ცხადდება პროექტის “საქართველოში საჯარო სამსახურის რეფორმის მხარდაჭერა სამოქალაქო საზოგადოების მიერ” ფარგლებში, რომლის მიზანია სამოქალაქო საზოგადოების მონაწილეობის გაძლიერება საჯარო სამსახურის რეფორმის ეფექტიანად განხორციელების პროცესში.

პროექტის განხორციელებაში ჩართულია სამოქალაქო საზოგადოების რეგიონული ქსელი (R-CSN), რომელიც შედგება 64 რეგიონული სამოქალაქო ორგანიზაციისგან. პროექტი ხორციელდება საქართველოს მთავრობის ადმინისტრაციასთან და საჯარო სამსახურის ბიუროსთან, ასევე რეგიონულ მაუწყებელთა ასოციაციასთან და საქართველოში გაეროს ასოციაციასთან თანამშრომლობით.

პროექტი ხორციელდება 2017 წლის მარტიდან 2017 წლის დეკემბრის ჩათვლით.

ვის შეუძლია კონკურსში მონაწილეობის მიღება?

კონკურსში მონაწილეობის მიღება შეუძლიათ 15-დან 20 წლამდე ახალგაზრდებს.

კონკურსის პირობები:

  • ესსე უნდა ეხებოდეს საჯარო სამსახურს. კერძოდ: როგორ ხედავს კონკურსანტი საკუთარ თავს საჯარო სამსახურში, როგორი წარმოუდგენია საჯარო სამსახური და/ან როგორი უნდა იყოს მისი ხედვით და რა ღირებულებებს უნდა ეფუძნებოდეს;
  • ერთ მონაწილეს შეუძლია მხოლოდ ერთი ესსეს გამოგზავნა;
  • ესსეს ბოლოს მითითებული უნდა იყოს ავტორის სახელი, გვარი , მისამართი და საკონტაქტო ინფორმაცია (ტელეფონის ნომერი და ელ-ფოსტა);
  • ესსეს ტექნიკური მახასიათებლები: ტექსტი უნდა იყოს ქართულ ენაზე, შრიფტი - sylfaen, ზომა 12, ხაზებს შორის დაშორება 1.5, ტექსტის მოცულობა არ უნდა აღემატებოდეს 1 000 სიტყვას, ესსე უნდა იყოს word-ის ფორმატში;
  • პლაგიატის აღმოჩენის შემთხვევაში, კონკურსანტი მოიხსნება შესარჩევი ტურიდან;
  • საკონკურსო ნაშრომების მიღების ბოლო ვადაა 2017 წლის 6 ნოემბერი, 18:00 საათი;
  • ესსეების გამოგზავნა შესაძლებელია მხოლოდ ელექტრონულად შემდეგ ელ-ფოსტაზე: This email address is being protected from spambots. You need JavaScript enabled to view it. ;

გამოგზავნილი ესსეები დაიდება facebook გვერდზე ჰეშთეგით #მეახალგაზრდასაჯარომოხელე

გამოგზავნისას ელექტრონული წერილის სათაურში („subject“ ველი) მიუთითეთ „ესსეების კონკურსი".
კონკურსის თემაზე მეტი ინფორმაციის მისაღებად გაეროს ასოციაციის მიერ დაფუძნებულ სამოქალაქო აქტივიზმის ახალგაზრდული ქსელის ცენტრებში ჩატარდება საინფორმაციო შეხვედრები.

შეფასების კრიტერიუმები:

- თემასთან შესაბამისობა და საკითხის ორიგინალური გააზრება (25 ქულა);

- პრობლემის ხედვა კონტექსტში (15 ქულა);

- ლოგიკური მსჯელობა (15 ქულა);

- ანალიზი და არგუმენტირება (15 ქულა);

- ნაშრომის სტრუქტურა (შესავალი, ძირითადი ნაწილი, დასკვნითი ნაწილი) (20 ქულა);

- წერის კულტურა (10 ქულა).

პრიზები

I- ადგილი - პერსონალური კომპიუტერი;

II- ადგილი - პლანშეტი;

III - მობილური ტელეფონი;

სპეციალური პრიზი, წიგნის მაღაზიის სასაჩუქრე ვაუჩერი, გადაეცემა სოციალურ ქსელში მკითხველის სიმპათიით გამოვლენილ მონაწილეს. კონკურსის ყველა მონაწილეს გადაეცემა სამახსოვრო სერტიფიკატი.

- გამარჯვებულ ნაშრომებს შეარჩევს სიდას, გაეროს განვითარების პროგრამის (UNDP), მთავრობის ადმინისტრაციის, საჯარო სამსახურის ბიუროსა და გაეროს ასოციაციის წარმომადგენლებისგან შემდგარი ჟიური.

კონკურსის დასრულების შემდეგ, ჟიურის მიერ შერჩეული 4 საუკეთესო ესსე განთავსდება www.cso.ge - ზე და მონაწილეობას მიიღებს პროექტის დასკვნით კონფერენციაში.

 

კონკურსი ტარდება გაეროს განვითარების პროგრამის მხარდაჭერით, დიდი ბრიტანეთისა და ჩრდილოეთ ირლანდიის გაერთიანებული სამეფოს მთავრობის UK aid-ის ფინანსური დახმარებით არასამთავრობო ორგანიზაცია “სიდას” და სამოქალაქო საზოგადოების რეგიონული ქსელის (R-CSN) მიერ, პროექტის “საქართველოში საჯარო სამსახურის რეფორმის მხარდაჭერა სამოქალაქო საზოგადოების მიერ” ფარგლებში. პროექტი ხორციელდება საქართველოს მთავრობის ადმინისტრაციასთან და საჯარო სამსახურის ბიუროსთან თანამშრომლობით. პროექტი თანადაფინანსებულია ევროკავშირის მიერ არასამთავრობო ორგანიზაცია “სიდას” ორგანიზაციული განვითარების პროექტის ფარგლებში.

ორშაბათი, 23 ოქტომბერი 2017 11:31
კატეგორია: სხვა
დაწვრილებით...

გამოფენა29 სექტემბერს ,,სიდამ“ მონაწილეობა მიიღო ქ.თელავში გამართულ განათლებისა და დასაქმების გამოფენაში „მომავალი შენია 2017“.

გამოფენის მიზანს წარმოადგენდა დაინტერესებული პირებისათვის, როგორც პროფესიული, ისე აკადემიური განათლებისა და დასაქმების შესაძლებლობების შესახებ ინფორმაციის მიწოდება.

აღნიშნული ღონისძიების ფარგლებში, გამოფენის პარალელურად გაიმართა პროექტის „ტრენიგებისა და დასაქმების ხელშეწყობის ინიცირება მართლმსაჯულების სექტორში“ პრეზენტაცია და აქცენტი გაკეთდა ისეთი მიზნობრივი ჯგუფების განათლებასა და დასაქმებაზე, როგორიც პირობითი მსჯავრის მქონე, განრიდებული პირები და ყოფილი მსჯავრდებულები არიან. პროექტის პარტნიორი ორგანიზაციის, საქართველოს ფერმერთა ასოციაციის, მიერ კი მონაწილეებს მიეწოდათ ინფორმაცია სამუშაოზე დაფუძნებული სწავლების პროგრამის და მასში ჩართვის შესაძლებლობების შესახებ.

ხუთშაბათი, 05 ოქტომბერი 2017 11:17
კატეგორია: სხვა
დაწვრილებით...

DSC 0881 - Copy

ბიზნესისა და ადამიანის უფლებების საკითხზე ჩატარებული ეროვნული საბაზისო კვლევის შედეგები გააცნეს საქართველოს მთავრობის ადმინისტრაციის ადამიანის უფლებათა დაცვის სამდივნოს, არასამთავრობო ორგანიზაცია სიდასა და სახალხო დამცველის აპარატის წარმომადგენლებმა არასამთავრობო ორგანიზაციების წარმომადგენლებს საკონსულტაციო შეხვედრაზე, რომელიც 11 აგვისტოს გაიმართა.
საბაზისო კვლევა ბიზნესისა და ადამიანის უფლებების მიმართულებით, საქართველოს მთავრობის ადმინისტრაციის ადამიანის უფლებათა დაცვის სამდივნომ, არასამთავრობო ორგანიზაციამ „სიდა" და სახალხო დამცველის აპარატმა, დანიის ადამიანის უფლებათა ინსტიტუტის ექპერტებთან კონსულტაციით მოამზადეს. საბაზისო კვლევის საბოლოო შედეგის გამოქვეყნებამდე, კვლევა განიხილება ყველა დაინტერსებულ მხარესთან - სახელმწიფო ორგანოებთან, ადგილობრივ თვითმმართველობებთან, ბიზნესსექტორთან, არასამთავრობო და საერთაშორისო ორგანიზაციებთან, რათა საბოლოო შედეგის მიღებამდე, მათი რეკომენდაციები იყოს გათვალისწინებული.
მსგავსი შეხვედრა გაიმართა ბათუმშიც, სადაც კვლევის ავტორებმა ადგილობრივი თვითმმართველობების წარმოამდგენლებს კვლევის დანიშნულება და გამოვლენილი ტენდენდიები გააცნეს.
საბაზისო კვლევის ანგარიში 2017 წლის სექტემბერში გამოქვეყნდება. კვლევა მოიცავს ბიზნესისა და ადამიანის უფლებების თემასთან დაკავშირებულ სხვადასხვა საკითხს, როგორც კანონმდებლობის, ისე პრაქტიკის ანალიზს. კვლევის შედეგები კი საფუძვლად დაედება ბიზნესისა და ადამიანის უფლებების შესახებ სამწლიანი სამოქმედო გეგმის შემუშავებას, რომელიც ადამიანის უფლებების დაცვის შესახებ სამთავრობო სამოქმედო გეგმის ნაწილი იქნება.
კვლევის დაწყებამდე, დანიის ადამიანის უფლებათა ინსტიტუტის ექსპერტებმა, თბილისში, ორდღიანი ტრენინგი გამართეს, რომელიც მიზნად ისახავდა იმ პირების სათანადო მომზადებას, რომლებიც შემდგომში მონაწილეობას მიიღებდნენ, საბაზისო კვლევის განხორციელებაში, ასევე 2018-2020 წლებისთვის "ბიზნესის და ადამიანის უფლებების" მიმართულებით, მთავრობის სამოქმედო გეგმის შემუშავებაში.
2016-2017 წლების მთავრობის ადამიანის უფლებათა დაცვის სამოქმედო გეგმაში ასახულია ბიზნესისა და ადამიანის უფლებების სამოქმედო გეგმის შემუშავების ვალდებულება, რაც მნიშვნელოვანია საქართველოში პასუხისმგებლიანი ბიზნესის წახალისებისთვის, და რაც ეფუძნება ადამიანის უფლებების დაცვასა და უზრუნველყოფს ქვეყანაში მდგრად ინკლუზიურ სოციალურ-ეკონომიკურ განვითარებას. სამოქმედო გეგმის შემუშავების საწყის ეტაპს წარმოადგენს ეროვნული საბაზისო კვლევის ჩატარება ბიზნესისა და ადამიანის უფლებების მიმართულებით.
ღონისძიება დაფინანსებულია ევროკავშირისა და გაეროს განვითარების პროგრამის მიერ ერთობლივი პროექტის „ადამიანის უფლებები ყველასთვის“ მეშვეობით. ევროკავშირის მოცემული 4 მილიონიანი პროექტი მხარს უჭერს და ახალისებს 2014-2020 წლებისათვის ადამიანის უფლებათა დაცვის ეროვნული სტრატეგიისა და ადამიანის უფლებათა დაცვის შესაბამისი წლების სამთავრობო სამოქმედო გეგმების შესრულებასა და მონიტორინგს.

პარასკევი, 22 სექტემბერი 2017 00:00
კატეგორია: სხვა
დაწვრილებით...