CIDA

Switch to desktop Register Login

14917029 1222529984472796 2912161091537742457 o,,სიდას“ ერთ-ერთ პრიორიტეტულ მიზანს წარმოადგენს ბიზნესისა და ადამიანის უფლებების წახალისება საქართველოში სხვადასხვა დაინტერესებული მხარის ჩართულობის და თანამშრომლობის უზრუნველყოფის გზით. აღნიშნული მიმართულების ფარგლებში, სიდა აქტიურად მუშაობს ბიზნესის მიერ ქალთა გაძლიერების თემაზე დასაქმების ადგილას, ბაზარსა და საზოგადოებაში.

ახალი პროექტი, რომელსაც ორგანიზაცია იწყებს ქალი მეწარმეების ეკონომიკურ გაძლიერებას ისახავს მიზნად, და მოიცავს რამოდენიმე ეტაპს: ქალი მეწარმეების შერჩევა და მათი საჭიროებების გამოვლენა, ბენეფიციარების გადამზადება, მენტორინგის პროგრამაში მათი ჩართვა და მათზე მცირე გრანტების გაცემა.

პროექტის ფარგლებში 20 მეწარმე ქალი მსხვილი ბიზნეს კომპანიებისგან მიიღებს კონსულტაციას / მენტორინგს მათი საწარმოების განვითარების საკითხებზე, ასევე გაივლის ტრენინგს ბიზნეს მენეჯმენტის მიმართულებით. პროექტის მეორე ეტაპი მოიცავს 10 მეწარმე ქალისთვის მცირე გრანტების გაცემას, მათი ბიზნესის განვითარების ხელშეწყობის მიზნით.

პროექტი წვლილს შეიტანს საქართველოში მდგრადი განვითარების მეხუთე მიზნის - გენდერული თანასწორობის მიღწევა და ყველა ქალისა და გოგონას შესაძლებლობების გაუმჯობესება - განხორციელებაში.

სამშაბათი, 07 ნოემბერი 2017 13:35
დაწვრილებით...

მარელისიხარაგაულის მუნიციპალიტეტის სოფელ მარელისში „სიდამ“ ინფრასტრუქტურული სამუშაოები განახორციელა. სოფელში დაიდგა გარე განათების ბოძები და ნაგვის ურნები, დამონტაჟდა მზის ენერგიაზე მომუშავე WiFi-ის აპარატი და ელექტრო ტექნიკის მრავალფუნქციური დამტენი საშუალებები.

 

პროექტის მენეჯერის, დავით თარიმანიშვილის განმარტებით, აღნიშნული სამუშაოების ჩატარების აუცილებლობა გამოიკვეთა იქიდან გამომდინარე, რომ მარელისში ბორჯომ-ხარაგაულის ეროვნული პარკის ცენტრალური შესასვლელი მდებარეობს და ტურისტულად დატვირთული ადგილია. „პარკს წელიწადში ნახევარი მილიონი ტურისტი სტუმრობს, მარელისი კი წარმოადგენს ერთ-ერთ ცენტრალურ შესასვლელს, სადაც განთავსებულია დაცული ტერიტორიების ადმინისტრაცია და საოჯახო სასტუმრო. ინფრასტრუქტურული ობიექტების გაუმჯობესება და კეთილმოწყობა დასასვენებლად მოსულ ტურისტებს მეტ კომფორს შეუქმნის,“ - აცხადებს თარიმანიშვილი.

ცოტა ხნის წინ ადგილობრივი მუნიციპალიტეტის დახმრებით პარკამდე მისასვლელი გზის რეაბილიტაცია დასრულდა, ხოლო პროექტის ფარგლებში მოეწყო გარე განათების სისტემა, რამაც ადგილობრივების თქმით, ღამით მათი გადაადგილება გაცილებით უსაფრთხო გახადა. „გარე განათება ძალიან გვჭირდებოდა, აქ ტყიანი სოფელია და გარეული ცხოველები ძალიან გვაწუხებენ. ახლა იმედი მაქვს, რომ განათებას მოერიდებიან. მატარებლის მგზავრებსაც ღამე უწევთ სიარული. გახარებულები და მადლობლები ვართ. ჩვენთვის ეს დიდი შვებაა“, - ამბობს ადგილობრივი მოსახლე, თამარ მაისურაძე. მარელისი1

სამუშაოები „სიდამ“ ადგილობრივ მუნიციპალიტეტთან თანამშრომლობით განახორციელა, პროექტის „საქართველოს ტურიზმის სექტორში ჩართული ღარიბი თემებისა და მიკრო მეწარმეების შესაძლებლობების გაზრდა“ ფარგლებში. პროექტი მიმდინარეობდა ბიოლოგიურ მეურნეობათა ასოციაცია “ელკანას,” მსოფლიო ბანკისა და იაპონიის სოციალური განვითარების ფონდის ფინანსური მხარდაჭერით. 

სამშაბათი, 07 ნოემბერი 2017 09:57
დაწვრილებით...

holndd18 – 21 ოქტომბერს, ჰოლანდიის ქალაქ ვენჰორსტში გაიმართა ევროპის სოფლის პარლამენტის (European Rural Parliament) შეკრება, სადაც ევროკავშირის 40 ქვეყნის წარმომადგენლებთან ერთად ,,სიდამ“ და სამოქალაქო საზოგადოების რეგიონული ქსელის წევრმა ორგანიზაციებმაც მიიღეს მონაწილეობა.

შეკრების მიზანი სოფლის განვითარებაში ადგილობრივი თემის ჩართულობის გაძლიერება და ევროპის სოფლის განვითარების პოლიტიკის გაუმჯობესება იყო. მონაწილეები გაეცნენ ისეთ მნიშვნელოვან საკითხებს როგორებიცაა: სოფლის დონეზე ინფრასტრუქტურისა და სერვისების გაუმჯობესების ხელშეწყობა; სოფლის განვითარებაში LEADER მიდგომის პოპულარიზაცია და თემის მიერ ადგილობრივი საჭიროებების გადაჭრის მექანიზმების დახვეწა.

სიდას და სამოქალაქო საზოგადოების რეგიონული ქსელის წარმომადგენლებმა 4 თემატურ სამუშაო ჯგუფში მიიღეს მონაწილება, რაც სოფლის მდგრადი განვითარების, თანამონაწილეობითი გადაწყვეტილებების მიღების და ახალგაზრდებისთვის სოფლად ცხოვრების შესაძლებლობების გაზრდისკენ იყო მიმართული.

holndმიმდინარე წელს ევროპის სოფლის პარლამენტი მესამედ შეიკრიბა. შეკრებები მიზნად ისახავს არსებული მოდელის პოპულარიზაციას აღმოსავლეთ პარტნიორობის ქვეყნებში სოფლის ეროვნული პარლამენტის (National Rural Parliaments) შექმნის მიზნით.

შეხვედრაზე მიღებულ იქნა დეკლარაცია რომლის საშუალებით მათ მოუწოდეს პოლიტიკის შემოქმედებს, რომ მხარი დაუჭირონ სოფლის სიცოცხლისუნარიანობას და უზრუნველყონ ზოგად პოლიტიკასა და პროგრამებში სოფლის გათვალისწინება.

ორშაბათი, 23 ოქტომბერი 2017 11:12
დაწვრილებით...

შორენასფოტო18 ოქტომბერს, საქართველოს ფერმერთა ასოციაციამ (GFA), პარტნიორ ორგანიზაციებთან: ეკონომიკის საერთაშორისო სკოლასთან (ISET), ექსპორტის განვითარების ასოციაციასთან (EDA), სამოქალაქო განვითარების სააგენტოსა (CiDA) და ასოციაცია „ათინათთან“ (ATINATI) ერთად, ახალი პროექტის „სურსათისა და სოფლის მეურნეობის დარგში მცირე და საშუალო საწარმოების მხარდამჭერი ინიციატივა“ პრეზენტაცია გამართა.

FASSI-ის ხანგრძლივობა 2 წელია და მისი მიზანი სურსათისა და სოფლის მეურნეობის დარგში ბიზნესის მხარდამჭერი ორგანიზაციების (BSO) გაძლიერებაა, რათა მათ შემდგომში გაუწიონ ეფექტური დახმარება თავიანთ წევრ მცირე და საშუალო საწარმოებს (SME) ისეთ საკითხებში როგორიცაა: ახალი რეგულაციების დაკმაყოფილება, ევროკავშირის ბაზარზე ხელმისაწვდომობა და საქმიანი ურთიერთობების გაუმჯობესება როგორც ქვეყნის შიგნით, ისე ქვეყნის გარეთ. პროექტი ასევე ითვალისწინებს, ევროკავშირთან ღრმა და ყოვლისმომცველი თავისუფალი სავაჭრო სივრცის (DCFTA) თემატიკასთან დაკავშირებით BSO-ების საჯარო და კერძო სექტორს შორის დიალოგში ჩართვას და მათი როლის გაზრდას დარგის სტრატეგიისა და რეკომენდაციების შემუშავების პროცესში.

„DCFTA-ის ფარგლებში, ევროკავშირმა და საქართველომ ქართულ პროდუქციაზე ყველა საიმპორტო გადასახადი გააუქმა. საქართველოში სოფლის მეურნეობა მნიშვნელოვანი სექტორია, სადაც საზოგადოების დიდი ნაწილია დასაქმებული, შესაბამისად, ექსპორტის ახალი შესაძლებლობები ძალიან მნიშვნელოვანი იქნება დარგის განივთარებისათვის. აღნიშნული პროექტი ძალიან მნიშვნელოვანია ქართველი მეწარმეებისთვის იმისათვის, რომ შეძლონ მათ მიერ წარმოებული პროქდუქციის ექსპორტი ევროკავშირში და DCFTA-ის შესაძლებლობებით სარგებლობა.“ - კარლო ნატალე, ევროკავშირის ელჩის მოადგილე - ევროკავშირის წარმომადგენლობა საქართველოში.

ღონისძიებაზე, პროექტის პრეზენტაციასთან ერთად, დამსწრე საზოგადოება ასევე გაეცნო ბიზნესის მხარდამჭერი ორგანიზაციების საჭიროებათა კვლევის ანგარიშს, რომელიც პროექტის ფარგლებში მომზადდა. უახლოეს მომავალში, სხვა აქტივობებთან ერთად, ასევე იგეგმება ტრენინგების და მცირე საგრანტო პროგრამების განხორციელება, რომლებიც ბიზნესის მხარდამჭერი ორგანიზაციების შესაძლებლობების განვითარებას შეუწყობენ ხელს.

ოთხშაბათი, 18 ოქტომბერი 2017 00:00
დაწვრილებით...